Admin
Admin
المساهمات : 296
تاريخ التسجيل : 26/03/2010
 | موضوع: مقدمه في الميكروبيولوجي  الثلاثاء أكتوبر 05, 2010 6:23 pm | |
| [size=7][size=21]
إن شاء الله هكون معاكم فى مادة الميكرو [وحدهم المديرون لديهم صلاحيات معاينة هذه الصورة]
وهى إحدى مواد سنة تالتة أجمل سنة إن شاء الله هتحبوها أكتر حتى من أولى وتانية
طيب .....
أولا كدة نعرف أجزاء المادة
نظرى
وده مقسم لعدة شباتر
general bacteriology
genetics
immunity
systemic bacteriology
virology
mycology
nosocomial
clinical
عملى
وده جزئين
الاول عملى خاص بالميكرسكوبات والاجهزة المستخدمة وطرق التعقيم وغيرها
الثانى عملى النظرى بمعنى ان بعض الاجزاء بتاعت النظرى بتتعاد تانى فى العملى بتفصيل أوضح شوية
طيب مبدايا كدة هنذاكر منين ؟؟
من السورس الاشهر كل على حسب كليته سواء كتاب سواء مذكرة مش هنختلف
طيب أنا هسمع شرايط ؟؟
أه طبعا الشرايط فى مادة الميكرو غاية فى الروعة والجمال وهتبسطلك الامور جدا لأن بيتم الشرح فيها بأسكيمات
طيب هسمع لمين ؟؟
على حسب تجربتى الشخصية د/ مرعى أولا وأخرا. حاجة فى منتهى الروعة والله أنا كنت بحب الميكرو بسببه كنت بستنى أنى اروح اسمع شرحه بتحس أنه بيكشفلك الامور مش هتحفظ حاجة أبدا بدون فهم بارك الله فيه بجد
طيب أزاى اثبت الميكرو دى فى دماغى ؟؟
هى أو غيرها حتى حضراتكم هتروحوا تحضروا المحاضرة فى الكلية أضمنلك أن خارج عارف 50% من المعلومات بس لسة يعنى الصورة مهزوزة هتروح أو حتى فى الطريق لو بتسافر هتسمع شرح الجزئية دى وتفتح المصدر اللى بتذاكر منه قدامك تمشى على الكلام بعينك ولوفى حاجة عايز تزودها أو فهم نقطة معينة فى جنب كدة من الورقة
لحد الان أنت كدة سمعت الجزء ده مرتين وقرأته بعينك مرتين مرة البوربوينت فى المحاضرة أو حتى السبورة ومرة وأنت بتسمع
إن شاء الله كدة بدون متذاكر ولا حرف أنت فاهم المحاضرة بنسبة 90% طب والعشرة الباقين هيجوا أهم اقعد زاكر بقى ياباشا بطريقتك المعهودة الورقة قدامك وقلم علشان طبعا تشخبط بيهم [وحدهم المديرون لديهم صلاحيات معاينة هذه الصورة]احنا مابنكتبش وترتب نفسك كدة وتلون وترتب العناصر ولو بتذاكر بصوت يبقى جميل طبعا فى البيت مش طايقينك ولو فى المدينة يبقى اكيد هيترضوك بره الاوضة بس أوعى تيأس أحنا بجد هنعمل كل اللى نقدر عليه علشان نبقى حد كويس
كدة أنت كويس أوى ذاكرت وحفظت وفهمت أقفل بقى المذكرة سيادتك وسمع الدرس لنفسك وبس كدة تمام وزى الفل
وطبعا مش هنسيب حقنا كل أما يجى سكشن هيتعاد فيه جزء من النظرى اللى فات هنراجع ونظبه تانى علشان نجدد الذاكرة
طيب أحنا هنمشى ازاى فى نظامنا ؟؟
هشرح إن شاء الله بترتيب النظرى اللى كتبته فوق وبعدين العملى إن شاء الله بعده بفترة لإن إن شاء الله اى جزء نظرى متعلق بيه جزء عملى هشرحه مع النظرى
هدخل أعلق على أهم النقاط فى كل درس وأهم الاسئلة اللى بتيجى فيها
وبعده تذاكروا واللى تقف معاه جزئية يدخل يندهلى بس وأكيد مش هرد خالص [وحدهم المديرون لديهم صلاحيات معاينة هذه الصورة]
وبإذن الله أنا هكون تحت أمركم فى أى أستفسار فى أى شىء فى الميكرو وحتى لو اى حاجة تانية أنا معاكم برده ( أوعو ا حد يجيب سيرة بالموضوع ده لباقى الاساتذة لنتاخد فى الرجلين لدواعى أمنية ))[وحدهم المديرون لديهم صلاحيات معاينة هذه الصورة]
بإذن الله المرة الجاية نبدا فى ال general bacteriology
انتظرونا
فى رعاية الله
السلام عليكم ورحمة الله وبركاته
عدنا ...
هنبدأ نتكلم شوية عن ال general bacteriology
أولا يعنى ايه خلية بكتيرية
دى خلية من الاوليات أوو يعنى غير حقيقية النواة
غير حقيقية !! يعنى النواة بتكذب ولا ايه ؟؟!! لا يعنى النواة مش واخدة الشكل الرسمى الكلاسيكى اللى نعرفه nucleolus ,, nuclear memb
امال أيه !! النواة بتاعت واللى تحمل المادة الوراثية موجودة فى السيتوبلازم وتعرف بأسم ال nuclear body (DNA
طيب وأذا كانت الريسة بتاعت القعدة اللى هى النواة ملهاش غلاف بيحيط بيها يبقى اكيد مافيش الorganelles اللى بتكون memb . bounded
يعنى هى يدوب خلية بدائية فيها nuclear body ,, ribosomes ,, inclusion granules
[وحدهم المديرون لديهم صلاحيات معاينة هذه الصورة]
هتلاقيه بعد كدة عاملك مقارنة بين ال prokaryotes ,, eukaryotes سهلة مافيهاش حاجة
من الاخر كدة الجنرال بكتريولوجى ده بداية بتفتحلك هتمشى على ايه طول السنة
فلو جينا نشوف ال morphology بتاع البكتر يا ... سستم نفسك كدة إن مورفولوجى بتساوى عندى ست كلمات
shape
arrangement
stain
spores
capsule
motility
طيب بالنسبة لل shape حاجة من تلاتة
ل [size=25]cocci يعنى دواير ( وبتشوفها تحت الميكرسكوب نقط مالهاش طول تقدر تحدده ولها زى عرضها)
[وحدهم المديرون لديهم صلاحيات معاينة هذه الصورة]
أو تكون bacilli ودى يعنى عصوية شكل العصيان بالظب وطبعا لها طول وبتشوفها تحت الميكرسكوب شرط مرسومة
| [وحدهم المديرون لديهم صلاحيات معاينة هذه الصورة] | This image has been resized. Click this bar to view the full image. The original image is sized 892x598. |
أو تكون حلزونية الشكل spiral
[وحدهم المديرون لديهم صلاحيات معاينة هذه الصورة]
طيب ال arrangement
سهلة يا
لوحدهاsingel
اتنين جنب بعضpairs
مجموعاتgroups
سلسلةchain
clustersزى عنقود العنب
معلش مضطرة أقف لحد هنا لأن والله دماغى هتنفجر من الصداع مش نمت من امبارح دعواتكم ويارب اكون هقدر افيدكم
السلام عليكم ورحمة الله وبركاته
أزيكم يادكاترة ؟؟ أتمنى تكونوا بخير
نستكمل بإذن الله
ال stain الصبغات اللى بنصبغ بيها الخلية البكتيرية حتى يتم التعرف عليها علشان نقدر نشوفها تحت الميكروسكوب زى نظام الهستو كدة
طيب ايه نوع الصبغات اللى تستخدم ؟؟
simple
differential
special
ال simple
واضح كدة انها بسيطة يعنى ايه ؟ يعنى صبغة واحدة هتصبغ ال organism بلونها
all organisms take colour of dye
زى مثلا ال methylene blue هتصبغ اى بكتريا باللون الازرق
وبالتالى مش هقدر افرق بين البكتريا وبعضها
قالك خلاص هنعمل صبغة اسمها differential
يعنى صبغة هتفرقلى بين ال organisms
زى ال gram stain
ايه الموضوع بتاعها العالم جرام كان قاعد بيشرب شاى أو قهوة مش فاكرة بالظبط [وحدهم المديرون لديهم صلاحيات معاينة هذه الصورة]
المهم قالك أنا هعمل طريقة اصبغ بيها بحيث تفرقلى بعض ال organisms عن بعضها
راح جايب شريحتين عليهم organism وصبغهم الاتنين بال methyl violet فالاتنين اخدوا لون الصبغة البنفسجى وبعدين حط ايودين علشان يثبت الصبغة جوة الاورجانيزم
وبعدين حط مادة decolorizing زى ال alcohol or aceton علشان يشيل الصبغة
وبعد كدة صبغ بمادة ال diluted carbol fushcin ثم فحصهم بالميكرسكوب باستخدام ال oil imersion lens
وجد ايه أن ف واحد فضلت محافظة على اللون الاول البنفسجى قالك بس الاورجانيزم ده اصيل ثابت على مبداه اللى خده فى الاول خلاص اتمسك بيه راح مسمي هذا الاوجانيزم اللى فضل محافظ على الصبغة gram +ve organism ( يعنى اورجانيزم ايجابى اكتفى بأول صبغة وفضل ثابت )
ووجد الاخر اخد اللون الاحمر اللى هو لو صبغة الكاربول فيوسين معنى كدة انه ماتمسكش بالصبغة الاولى وأول ماحطينا عليه كحول ساب الصبغة واتصبغ بواحدة تانية يعنى اورجانيزم سلبى معاهم معاهم عليهم عليهم راح مسميه gram _ve organism
يبقى كدة فكرة الصبغة دى بتعتمد على استخدام صبغتين بينهم decolorizing agent
[وحدهم المديرون لديهم صلاحيات معاينة هذه الصورة]
طيب امال ايه ال special stain
اسمها صبغة خاصة بتاعت اورجانيزم معين وبس
ودى هتفدنى أو لو انا شاكك فى مرض معين وعايز اتأكد أن البكتريا دى هى لاسبب فيه هصبغها بالصبغة الخاصة بتاعتها والله لو طلعت يبقى فعلا انا ظنى فى محله ماطلعتش ابدأ افكر فى احتمال اخر زى صبغة اسمها zeil neelsen stain ودى صبغة خاصة بال TB (البكتريا المسببة للدرن )
[وحدهم المديرون لديهم صلاحيات معاينة هذه الصورة]
وعامة اصلا جزء ال stain ده اغلبه عملى بس لازم ابقى فاهم انا ليه قولت جرام بوستيف اوغيره أتمنى يكون وضح
قولنا كمان من ضمن المورفولوجى بنعلق على ال capsule
يعنى هل البكتريا دى عندها كابسول ولا لا
spores
هل البكتريا دى بتعمل اسبور ولا لأا وطبعا هتكلم عن ال spore فى جزء لوحده علشان نفهمها ونفهم المقصد منها
motility
هل البكتريا دى بتتحرك ولا لأ
كدة خلص ال 6 نقاط بتوع المورفولوجى بعد كدة اى بكتريا سيادتك هتأخدها فى السيستمك هتعلقلى على الست حاجات دول
يالا ذاكروا كويس وربنا يوفقكم ولو فى نقطة مش واضحة ادخلوا اسألونى فيها
بالتوفيق
منقول
[/size][/size][/size] | |
|
