[size=7][size=16]السلام عليكم ورحمة الله وبركاته
أهلا بيكم زملائى اتمنى أن تكونوا بخير كما اتمنى ان تكونوا التزمتم بقدر المذاكرة المحدد
أعانكم الله ووقفكم
طبعا برده اللى مش فهم نقطة معينة ياريت ميتكسفش مهما كانت من وجهة نظره بسيطة
طيب نستكمل كلامنا عن general bacteriology
وهنتناول اليوم الحديث عن
Growth requirement of bacteria
Bacterial products
Bacterial reproduction
Bacterial metabolism
بسم الله نبدأ وعليه توكلنا
Growth requirement of bacteria
يعنى باختصار العوامل اللى بتحتاجها البكتريا علشان تنمو وتكمل حياتها وهذه العوامل تشمل
1/ bacterial nutrition
البكتريا هتتغذى على ايه ؟.!!
2/ gaseous requirement
احتياجاتها من الغازات ؟؟!1
3/ temperature
درجة الحرارة التى تلائم نموها ؟؟!!
4/ moisture
درجة الرطوبة وإلى أى مدى تعتمد على الماء ؟؟!!
5/ PH
الاس الهيدروجينى الملائم ؟؟!!
6/ others
وهما حاجتين ال light ,, osmotic pr.
كل العوامل دى بتأثر فى نمو البكتريا وتختلف من واحدة إلى أخرى
1/ nutrition
وهنا عايزاك تعرف إن البكتريا من حيث التغذية تنقسم الى
a/ autotrophic bact
من اسمها أوتو يعنى ذاتى يعنى ايه يعنى بتستخدم الكربون الموجود فى ثان اكسيد الكربون كمصدر لغذائها وهى بتروق الباقى بكتريا بتعتمد على نفسها وغالبا ماتكون بكتريا ضعيفة ماتأثرش أوى على الانسان
b/ heterotrophic bact
وهتيرو يعنى متعدد يعنى بتحصل على الكربون من ثان اكسيد الكربون وكمان المصادر العضوية بكتريا متربية على الغالى يبقى اكيد صحتها كويسة يبقى دى غالبا هى اللى بتعمل الامراض ده حتى يقولوا عليها pathogenic bact
طيب من حيث العناصر اللى هتتغذى عليها البكتريا عندى إما أن تكون
a/ basic elements
يعنى مهمة لبناء جسم البكتريا
b/essential metabolites & growth factors
ودى علشان تصنع منها البروتينات وتحصل على الطاقة
2/ temperature
وهنا عندى مسطلحين مهم تعرفهم
ال optimal tempودى درجة الحرارة البيرفيكت اللى تنمو عندها ال pathogenic bact وهى تساوى 37 درجة
المسطلح التانى ال range temp يعنى ال pathogenic bacteria ممكن تنمو خلال درجة حرارة معينة فى حدود لا تزيد ولا تقل عنها وهى من 10 الى 42 درجة يعنى البكتريا ممكن تنمو لحد 10 ولحد 42 أعلى من 42 أو أقل من 10 لاتنمو البكتريا يعنى ده معدل لها
تقوم تقولى أفرض بعض البكتريا شذت عن القاعدة واستطاعت تنمو فى درجة أقل من 10 أقولك ده تبقى سيكو مش بيقول على الانسان اللى بيعمل حاجات غير مألوفة ده الواد ده سيكو أيه كمان البكتريا دى سيكو طالما استحملت تنمو فى درجة اقل من 10 وحتى اسمها psychophilic bact
امال لو نمت فى درجة اعلى من 42 تبقى دى بتحب الحرارة العالية نقوم نسميها thermophilic bact
3/ moisture
معظم جسم البكتريا يتكون من الماء.
4/ PH
تقولى معظم البكتريا بتنمو فى ال PH العادى اللى هو 7.4
فى بكتريا تانية تقولك لا وانا مالى انا بحب الوسط القلوى ALKALINE زى الكوليرا
واخرى تقولك لا معلش انا كمان بحب الوسط الحمضى ACIDIC زى اللاكتوباسيلس بتاعت الزبادى
5/ OTHERS
a/ osmotic pr
b/ light
6/ gaseous requirement
وده موضوع مهم أوى وبيتسأل فيه شفوى كتير
والغازات اللى بتعتمد عليها البكتريا اتنين oxygen ,, co2
a/ as regard o2
بنقسم البكتريا لأربع انواع هعرفك طريقة بسيطة لحفظهم وانت اعرف الامثلة وذاكرها كويس
1/ obligatory aerobic
يعنى ماتنموش ألا فى وجود الاكسجين بس تشيل عنها الاكسجين تموت
2/ obligatory anaerobic
يعنى تنمو فى عدم وجود الاكسجين بس أعيتها اكسجين تموت
3/ facultative anaerob
كلمة facultative يعنى اختيارى يعنى فى اكسجين ماشى مافيش اكسجين برده ماشى بكتريا مريحة تقولك أنا هضيق على نفسى ليه انا هنمو فى أى ظروف علشان كدة نلاقى معظم ال pathogenic bact من النوع ده
4/ microaerophilic
Philic يعنى محب
Aeroيعنى تهوية ( اكسجين يعنى)
Microكمية صغيرة
يعنى بكتريا بتحب تنمو فى وجود الاكسجين بس بكمية صغيرة طب ليه ؟ لان الاكسجين بتستخدمه علشان تصنع ال cho ,, pt ,, lipid مش علشان تتنفس
b/ as regard co2
التركيز المثالى 0.03 % لمعظم البكتريات
فى البعض بيحتاج معدل اكبر يصل ل 10% اما علشان النمو أو انتاج الtoxins أو تصنع ال capsule
bacterial product
1/ bact pigments
2/ bact enzymes
3/ bact toxins
4/ others
1/ bact pigment
عايزاك تعرف ان فى نوعين
A/endopigment
b/ exopigment
اعرف الكلام المكتوب عنهم
تانى حاجة تعرفrole of these pigment
2/ bact enzymes
عايزاك تعرف فيها ال
Def
Structure
Function
3/ bact toxins
ودى مهمة جدا جدا جدا من هنا لحد بكرة بتتسأل شفوى ونظرى وكل حاجة وفى العملى
عايزاك تعرف فيها ال
Def
Types
وهى نوعين
a/ endotoxin
b/ exotoxin
فى بينهم جدول مقارنة يفهم ويحفظ عن ظهر قلب واللى مش يفهم نقطة فيه بالله عليكم يسأل
4/ others
ودى بعضها ممكن يكون سام وبعضها بيساعد انتشار العدوى بالبكتريا داخل الجسم
زى مثلا فى بكتريا اسمها staph aureus بتتطلع
Coagulase.
Protease
DNAase
Haemolysin
Hyaluronidase
Staphylokinase
Bacterial reproduction
والبكتريا يتنقسم بحاجة اسمها الانشار الثنائى البسيط simple binary fission
يعنى البكترياية الواحدة تبقى اتنين
طب هبسط طريقتها
البكتريا هتبدأ تكبر فى الحجم
وتنقسم المادة الوراثية بداخلها الى اتنين
يبدأ يحصل constriction من المنتصف زى اما تجيب بالون منفوخة وتضغط عليها من المنتصف تقوم تعطيك حتة ضيقة كدة فى النص وانتفاخ على جانبيها وتبدأ المادة الوراثية تمر خلال هذا الضيق بحيث كل خلية يبقى فيها مادة وراثية يبدأ هذا الضيق يضيق أكثر فأكثر إلى أن تنفصل الخليتين اسمهم daughter cells
كل الكلام اللى فات ده سهل أوى نيجى بقى لحتة مهمة برده اوى وبتيجى سؤال وهى ال growth curve
عايزاك تعرف فيه ال
Def
Procedure يعنى الطريقة اللى باتبعها حتى احصل على الكرف
Phases
وهى اربعة
1/ lag phase
وهنا عدد البكتريا ثابت
2/ log phase
عدد البكتريا بدأ يزيد
3/ stationary phase
عدد البكتريا ثابت
4/ decline phase
عدد البكتريا بيقل
[وحدهم المديرون لديهم صلاحيات معاينة هذه الصورة]
يعنى ثبات ثم زيادة ثم ثبات ثم نقص
طب تفسيرها ايه ؟؟
فى الاول البكتريا كانت عمالة تكبر وخلاص لسة مانقسمتش.
بعد كدة بدات تنقسم فبدا عددها يزيد
بعد كدة بقى عدد الخلايا اللى بتنقسم يساوى عدد الخلايا اللى بتموت.
واخيرا بدأ معدلات الموت أكبر من الانقسام فبدأ العدد يقل
وبس كدة الجزئية تمام كدة طب أيه الاسئلة اللى بتيجى فيها بترتيب الاهمية
QQQ
Bacterial toxins
Growth curve
Gases requirements
Bacterial nutrition
Bacterial metabolis
وهنتكلم عن جزء بسيط فيها بإذن الله ونسيب الباقى للدرس القادم
ماذا تعنى باكتريال ميتابوليزم ؟؟
يعنى كل التفاعلات الكيميائية التى تتم داخل الخلية
وهى تشمل عمليتين كلنا عارفينهم
البناء anabolism ودى عملية بتحتاج طاقة زى مثلا تصنيع البروتين
والهدم catabolism ودى عملية بتخرج طاقة ( اللى بينى وبينكم هستعملها فى البناء ) زى تكسير الكربوهيدرات والبروتينات
والطاقة فى الخلية بنعبر عنها بال ATP
وال ATPيتكون فى الخلية بطريقتين اساسيتين هما
Substrate level phosphorelation
Oxidative phosphorelation
ودول ساهلين هتقرأوهم مش فيهم حاجة وسبق معرفتهم العام الماضى فى ال biochemistry
طيب بنقسم البكتريا على حسب المصدر اللى بتاخد منه الكربون ومصدر الطاقة الى اربعة انواع
1/ photoautotrophic
وقلنا اوتو يعنى هتحصل عليه من ال co2 بس
وفوتو يبقى هتحصل على الطاقة من الضوء
2/ photoheterotroph
هتيرو يبقى من المصادر العضوية الى جانب ال co2
وفوتو خلاص عرفناها
3/ chemoautotroph
اوتو خلاص اتعرفت
كيمو يعنى هتحصل على الطاقة بالاكسدة للمواد الغير عضوية
4/ chemoheterotroph
هتيرو عرفناها
وكيمو برده يعنى اكسدة بس للمواد العضوية
كفاية كدة النهاردة اتمنى يكون وضح واى استفسار اتفضلوا
إن شاء الله الاسبوع القادم هنخلص ال general bact وهيبقى فيه امتحان[/size][/size]
الثلاثاء أكتوبر 05, 2010 6:17 pm